ORF, ORF, ORF – þriggja stafa skammstöfunin sem allir eru að tala um hér í Vín. Enn berast Júró-Gróu sögusagnir af handritabreytingum á síðustu stundu, handritaleysi og ósamstarfsfúsum leikstjóra sem heldur 40 Eurovision-atriðum í gíslingu (vanalega eru tveir leikstjóra, bara einn í ár).
FÁSES-liðar drukku Finna undir borðið á miðvikudagskvöldið og þurfti að bera Finnana í leigubíl. Uss uss uss frábær frammistaða þar!
Menn eru aðeins að spekúlera hvort serbneska Bojana og Marija Serifovic, sem vann með Molitva 2007, séu par (hvað er hún annars að gera hér í Vín?). Seljum það ekki dýrara en við keyptum það!
Síðast en ekki síst – elsku írska Molly fékk algjört dramakast eftir að ljóst var að Írland komst ekki áfram upp úr seinni undankeppninni hér í Vín. Það voru bara öndunarerfiðleikar og alles!