Í gær kvaddi íslenski hópurinn landið með viðburði í Kringlunni þar sem Unbroken var flutt ásamt nýjum lögum, kjóll Maríu frumsýndur og fiðrildaskartgripir sem búnir voru til fyrir þetta tilefni til styrkar Hugarafli og fjöldinn allur af áritunum gefnar. María kom einnig við í heimabæ sínum og kvaddi með showi þar.
Kjóllinn frumsýndur í Kringlunni. Mynd: Facebook síða Maríu Ólafs.
María hálsmenið og armbandið hannað af Sunnu Dögg Ásgeirsdóttur en framleidd af Jóni og Óskari.
FÁSES.is hefur aðeins verið að pæla í bleikum kjólum og búningum í Eurovision og hvort það viti á gott. Eftir lauslega athugun höfum við komist að því að það veit bara á gott að keppa í bleiku í Eurovision. Til dæmis var hin sænska Charlotte Nilsson (nú Perelli að eftirnafni) í bleiku dressi þegar hún vann Selmu okkar 1999. Svo var það Marie N frá Lettlandi sem byrjaði að syngja í hvítri dragt en þegar leið á lagið kom í ljós þessi líka fíni fagurbleiki kjóll. Hann hefur kannski tryggt Marie sigurinn 2002 – hver veit?
https://www.youtube.com/watch?v=_B68kYxcea8
Þetta er kannski ekki bleikt – eða hvað?
Má síðan ekki alveg segja að Helena Paparizou hafi verið í bleiku þegar hún vann 2005? Að minnsta kosti var Sertab í bleiku þegar hún sigraði 2003 með Every way that I can. 
Nú og glæsilegu bakraddirnar hans Alexanders Rybak í Moskvu 2009 – þótt mörgum finnist kjólarnir þeirra ekkert spes. 
Síðast en ekki síst verðum við að nefna hinn makedónska Martin sem var í fagurbleikum jakka á sviðinu: