Við hjá fáses.is ákváðum að sýna ykkur aðeins frá því sem fram fer hér bak við tjöldin í Kaupmannahöfn. Það er mikil og skemmtileg vinna sem felst í því að flytja fréttir af stöðu mála og dögunum fyrir þessa stóru keppni og enginn tími til að slaka á. Af nógu er að taka – frá því að fylgjast með fyrstu æfingum, breytingum á sviðssetningu keppendanna til þess að fara á blaðamannafundi, taka viðtöl og myndir af keppendum og fylgjast með öllum veðbankaspám sem eru nú ófáar. Okkur langaði samt líka að sýna ykkur aðeins frá því umhverfi sem við erum að vinna í og vonum að þið fáið smá innsýn í hvernig það er að vera bak við tjöldin á þessari frábæru keppni!
- Að morgni dags lagði fases.is af stað í blaðamannahöllina – að sjálfsögðu með íslenska fánann blaktandi
- Það er dálítið ferðalag að komast í höllina. Fyrst þarf að taka strætó niður í bæ
- Á leiðinni passar maður upp á mikilvægustu máltíð dagsins. Kaffi í Toverhallerne
- Næst tekur við metro sem flytur mann á Christanshavn – sem er einn af tveimur stöðum þar sem hægt er að taka strætó A9 út í Refshaleöjene þar sem höllin er
- Eurovision-strætóinn lendir við B&W höllina
- Löng röð inn á svæðið. Blaðamenn ganga hægra megin langa veglend til að komast að blaðamannainnganginum
- labbilabb
- loksins ser maður þetta skilti og áttar sig á að maður er á réttri leið
- Inngangur inn á svæðið
- Umhverfið er mjög hrátt fyrir utan höllina og mun meira lagt í höllina innbyrðis
- blaðamannasvæðið samanstendur af stórum tjöldum með afgirtum svæðum með ólíkri aðstöðu
- Danir voru sniðugir og hafa nýtt sér hefðbunda gáma fyrir alls konar hluti! Falleg blóm lífga þó upp á svæðið
- Hér er mötuneyti til að seðja sárasta hungrið.
- Leiðin inn á vinnusvæði blaðamannanna
- Hér sitja blaðamenn frá öllum heimshornum og flytja fréttir af keppninni
- Skrifborð fáses.is – á stórum skjáum er sýnt frá æfingum og útsendingunni sjálfri
- Fundarherbergi fyrir blaðamannafundi
- Tæplega 60 fáses meðlimir keyptu miða á keppnina og hér má sjá sætaplan fyrir stúkuna – FÁSES á ljósbleika svæðið
- Kósý setustofa í blaðamannahöllinni með rólum og sófum – Danirnir smart
- Hér er hægt að taka sjónvarpsviðtöl og ræða við keppendur
- Fan-deskið svokallaða. Þetta skiptast meðlimir OGAE aðdáendasamtakanna á að manna. Hér kjósa blaðamenn og aðdáendur líka um efstu sætin
- Úrslit úr kosningu blaðamanna birtist á stórum skjá sem er uppfærður reglulega
- FÁSES-liðar í fan deskinu í morgun
- Hver blaðamaður fær úthlutað s.k. pigeon hole og þangað er hægt að koma fréttaefni og -tilkynningum og öðru kynningarefni til blaðamanna
- Plan af svæðinu
- aðstoðarmenn eru á hverju strái
- Í blaðamannahöllinni rekst maður oft á keppendur
- Einn FÁSES-meðlima hitti idolið sitt – Carl Espen frá Noregi!
- Hægt er að fara út í garð til að fá sér frískt loft
- Hér hefur fáses.is og Allt um júróvisjón unnið hörðum höndum kvölds….
- …og morgna!
- FÁSES spáir í spilin fyrir kvöldið