FÁSES mætti á opnunarhátíðina og rauða dregilinn í gær sem var glæsileg í alla staði. Rauði dregillinn var staðsettur fyrir utan Ráðhús Vínarborgar sem er einstaklega glæsileg bygging. Keppendur voru misfljótir að komast í gegnum haf blaðamanna og aðdáenda sem biðu spennt eftir að fá að bera keppendurna augum. María okkar Ólafsdóttir var ein af þeim löndum sem tóku sér nokkuð langan tíma að ganga niður dregilinn og verður FÁSES að segja að það sé mikið gæfumerki. Hún vakti mikla athygli og var vinsæl á meðal blaðamanna.
Conchita Wurst mætti í þröngum kjól og með styttra hár en við erum vön. Hérna sést hún með Jon Ola Sand, Eurovision bossman, Edgar Böhm, Executive Producer, og einhverjum hressum nefstórum gaur.
Hin spænska Edurne var stórglæsileg.
Marta og Vaclav voru hress.
María heillaði blaðamennina með fingurkossum.
Måns var fallegasti maðurinn á svæðinu.
Loic mætti með mömmu sína og hélt í hendina á henni stóran hluta tímans.
Ann Sophie er búin að koma heldur betur á óvart hér í Vín og tókst að líta út fyrir að vera jafngömul og hún er. Vel gert!
Finnarnir eiturhressir að vanda.
Sykursætu strákarnir í Il Volo voru eitt vinsælasta landið.
Múgur og margmenni voru mætt til að bera Eurostjörnurnar augum.
Og sumir lögðu meira á sig en aðrir til að reyna að ná mynd af keppendum.