Hugur minn er (Mynd: Pressphoto.biz)
Óstöðvandi (Mynd: Pressphoto.biz)
Raddirnar (Mynd: Pressphoto.biz)
Þvílíkt og annað eins undanúrslitakvöld sem RÚV bauð upp á – þvílíkt show og þvílíkir keppendur! Eins og alþjóð veit nú komust lögin Raddirnar, Óstöðvandi og Hugur minn er áfram í úrslitakeppni Söngvakeppninnar 20. febrúar nk. Það verður síðan forvitnilegt að vita hvort RÚV muni nýta sér það að setja inn sjöunda lagið í úrslitakeppnina – svokallaðan Leif heppna (wild-card).
Að sjálfsögðu var lagið hennar Þórunnar Ernu Clausen tilkynnt síðast af lögunum – hún er að vitaskuld alvön frá því að Coming home var tilkynnt sem 10. lagið inn í aðalkeppni Eurovision í Dusseldorf 2011. Það verður auðvitað að búa til gott sjónvarp!
Páll Óskar flutti nýja Eurovisionþjóðsöng aðdáenda í hléinu – Við vinnum þetta fyrirfram – og auðvitað söng FÁSES mest og hæst með úr stúkunni í Háskólabíó. Við þurfum svo að sjálfsögðu að redda svona pallíettu-fána-skikkju á alla FÁSES-liðana sem eru að fara út til Stokkhólms í maí!
Jebb okkur langar í svona galla fyrir Stokkhólmsferðina í maí (Mynd: Presshotos.biz).